Šalony sabaka pakusaŭ troch čałaviek. Usie troje admovilisia ad vakcynacyi ŭ pieršy dzień
U Čerykavie 19 lutaha zarehistravany łabaratorna paćvierdžany vypadak šalenstva ŭ svojskaj žyvioły, piša Cherikovnews.by. Ad ukusaŭ paciarpieli try čałavieki.
Členy adnoj siamji, nie padazrajučy, što svojski sabaka moža niejkim čynam naškodzić ich zdaroŭju, aktyŭna pačali akazvać usialakuju dapamohu svajmu padbitamu aŭtamabilem vychavancu. U vyniku atrymali ŭkusy i drapiny. Pry zvarocie pa miedycynskuju dapamohu ŭsie admovilisia ad uviadzieńnia preparataŭ suprać šalenstva, tym samym pastaviŭšy svajo žyćcio pad pahrozu, tady jak vypadak šalenstva paźniej atrymaŭ łabaratornaje paćviardžeńnie.
Zachvorvańnie źjaŭlajecca śmiarotnym jak dla žyvioł, tak i dla ludziej. I kali čałaviek nie źviartajecca da lekara na praciahu 3 dzion paśla ŭkusu šalonaj žyviołaj, vierahodnaść taho, što jon vyžyvie, składaje tolki 50%. Kali čałaviek pačaŭ prachodzić kurs vakcynacyi tolki na 20-y dzień, vierahodnaść jaho hibieli składaje 100%. A kali paśla ŭkusu svoječasova źviarnucca pa miedycynskuju dapamohu i prajści kurs vakcynacyi, to nastupstvaŭ možna paźbiehnuć jak minimum u 96-98% vypadkaŭ.
