U Iranie pamior vysokapastaŭleny čynoŭnik, jaki zaraziŭsia karanavirusam

IFP Editorial Staff

Člen Rady pa metazhodnaści (daradčy orhan pry najvyšejšym kiraŭniku Irana) Machamad Mirmachamadzi pamior u paniadziełak. Pra heta paviedamlaje TASS sa spasyłkaj na ahienctva Fars.

Dakładnaja pryčyna śmierci nie nazyvajecca. Adnak ahienctva adznačaje, što raniej u čynoŭnika byŭ znojdzieny karanavirus. 1 sakavika ŭviečary jon byŭ špitalizavany ŭ Tehieranie.

Mirmachamadzi było 72 hady. Za svajo žyćcio jon dvojčy abiraŭsia deputatam Miedžlisa (parłamienta) Irana ad pravincyi Kum.

Ministerstva achovy zdaroŭja Irana 19 lutaha paviedamiła ab pieršych u krainie vypadkach zaražeńnia novym karanavirusam. Infikavanyja byli vyjaŭlenyja ŭ horadzie Kumie. Pavodle aficyjnaj infarmacyi, kolkaść vypadkaŭ zaražeńnia ŭ Iranie składaje 978, pry hetym zafiksavana prynamsi 54 śmiarotnyja vyniki.

NN.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0