Estonija hatovaja adnavić pamiežny kantrol z-za mihrantaŭ i karanavirusa
Foto: Andres Putting, Delfi
Estonija hatovaja pry nieabchodnaści adnavić poŭny pamiežny kantrol na źniešnich miežach krainy ŭ suviazi z raspaŭsiudam karanavirusa novaha typu, a taksama ŭ suviazi z novym patokam biežancaŭ ź Siryi. Pra heta zajaviŭ u paniadziełak kiraŭnik MUS hetaj bałtyjskaj respubliki Mart Chielmie, piša TASS.
«Pry nieabchodnaści my hatovyja ŭvieści na našych pamiežnych punktach i na źniešnich miežach poŭny kantrol dakumientaŭ i arhanizavać vysyłku abo izalacyju niepažadanych abo niebiaśpiečnych dla dziaržavy ludziej», — pryvodzić jaho słovy ahienctva Bi-en-es.
Pa słovach Chielmie, krynicami pahrozy zdaroŭju i biaśpieki ludziej źjaŭlajucca novaja chvala mihracyi biežancaŭ ź Siryi i raspaŭsiudžvańnie karanavirusa novaha typu. «Jeŭropie ŭ dadatak da abmiežavańniaŭ u suviazi z karanavirusam čas rychtavacca da novaha mihracyjnaha kryzisu», — zajaviŭ Chielmie.
«[Ahienctva ES pa kantroli miežaŭ]» Fronteks «jak kalektyŭny orhan pamiežnaj achovy Jeŭrapiejskaha Sajuza pavinien akazać Hrecyi i Bałharyi ŭ situacyi [kali Turcyja adkryła miažu] jak maha chutčejšuju maksimalnuju dapamohu, kab paźbiehnuć niekantralujemaha ŭvarvańnia novaj chvali mihracyi ŭ Jeŭropu, — dadaŭ ministr. — Pry nieabchodnaści Estonija hatovaja nakiravać dadatkovyja siły na źniešnija miežy Jeŭropy, kab takim čynam vykazać svaju salidarnaść».
Chielmie adznačyŭ, što Estonija admovicca prymać u siabie novych mihrantaŭ.
