Žurnalisty raskryli sapraŭdnyja imiony rasijskich ahientaŭ, jakich abvinavačvajuć u jašče adnym hučnym atručvańni
Ministerstva zamiežnych spraŭ Rasii nie nakiroŭvała Jahora Hardzijenku, jaki abvinavačvajecca ŭ atručvańni bałharskaha biznesmiena Jemialjana Hiebrava, u pastajannaje pradstaŭnictva krainy pry SHA. Pra heta RBK zajavili ŭ viedamstvie.
Zhodna z paradkam zaćviardžeńnia supracoŭnikaŭ pradstaŭnictva Rasii pry SHA, 27 rabotnikaŭ pryznačajecca z zamiežnaha aparata ministerstva ekanamičnaha raźvićcia, a piać — z rabotnikaŭ zamiežnaha aparata MZS. Pa linii MZS Jahor Hardzijenka nikoli nie kamandziravaŭsia, vynikaje z adkazu viedamstva.
Raniej vydańni The Insider i Bellingcat raspaviali, što mierkavanaha supracoŭnika HRU Hieorhija Harškova, jakoha prakuratura Bałharyi abvinavačvaje ŭ atručvańni biznesmiena Jemialjana Hiebrava, nasamreč zavuć Jahor Hardzijenka. Vydańnie śćviardžaje, što jon mieŭ dypłamatyčny pašpart i byŭ členam misii Rasii ŭ SHA ŭ Ženievie.
Biznesmien Jemialjan Hiebraŭ, a taksama jaho syn i biznes-partnior byli atručany ŭ 2015 hodzie. Hiebraŭ kala miesiaca znachodziŭsia ŭ komie.
U lutym 2020 hoda Bałharyja nazvała imiony traich rasiejcaŭ, jakich prakuratura ličyć datyčnymi da złačynstva — heta Siarhiej Paŭłaŭ, Siarhiej Fiadotaŭ i Hieorhij Harškoŭ.
