«Daktary pryjechali ŭ «skafandrach». U Lidzie chłopiec trapiŭ u balnicu paśla padarožža ŭ Kitaj
Amatar padarožžaŭ aŭtastopam Dźmitry Kandziranda, jaki praz Maskvu viarnuŭsia z Kitaja ŭ Biełaruś, ciapier znachodzicca ŭ infiekcyjnym adździaleńni Lidskaj rajonnaj balnicy. Jaho pakłali ŭ asobnuju čatyrochmiesnuju pałatu, piša «Radyjo Svaboda».
U Dźmitryja ŭziali analizy na karanavirus, ale ich nakiravali ŭ Miensk, bo takija daśledavańni ŭ Lidzie nie robiać. Vyniki analizaŭ pakul nieviadomyja.
26 lutaha jamu patelefanała doktarka i spytałasia, dzie i kolki jon byŭ u Kitai. Jana skazała, što iści nikudy nie treba, daktary sami pryjeduć na kvateru i zrobiać abśledavańnie.
Doma Dźmitry byŭ razam sa svajoj siabroŭkaj Volhaj, ź jakoj padarožničaŭ u Kitai, i bratam.
«Daktary na chutkaj pryjechali, nibyta ŭ skafandrach», — kaža Dźmitryj.
U Dźmitryja była tempieratura, i jaho zabrali ŭ balnicu. U siabroŭki taksama ŭziali analizy, ale jana zastałasia doma na karancinie.
«Jašče da ahladu daktary doma padpisali papiery, što z kvatery bieź nieabchodnaści vychodzić nie budziem, a kali heta robim, to tolki ŭ mascy», — kaža Dźmitry.
Ci možna nabyć maski ŭ lidskich aptekach, Dźmitry nie viedaje, ale miedyki jamu dali kala dziesiaci achoŭnych masak.
«Z pałaty nikudy nielha vychodzić, usio pazamykana. Daktary, kali treba, prychodziać u maskach i chałatach. Ježu prynosiać. Tut jość admysłovaje vakienca, praź jakoje ježu z taho boku staviać u šafku, a z hetaha boku ja jaho adčyniaju i zabiraju. Tut ža jość prybiralnia, vanna, duš, haračaja i chałodnaja vada. Adzinaje, što ja kurec, a kuryć nielha.
Ale ja patryvaju, — raskazvaje Dźmitry. — Doktar kaža, što heta nie karancin, karancin u Minsku, a tut prostaja lakarnia. I naohuł ciapier mała miescaŭ, bo hryp».
U Lidu jon pryjechaŭ 23 lutaha, 26-ha jamu patelefanavali daktary, a 27-ha zabrali ŭ špital.
«Ja vykonvaŭ tyja ž rekamiendacyi, jakija mnie dali ŭ Maskvie: siadzieć doma, mierać dva razy na dzień tempieraturu i pry drennym adčuvańni telefanavać u «chutkuju». Ale ja siabie narmalna adčuvaŭ. A kali mianie vypišuć ź lakarni, ja budu toje ž samaje rabić», — kaža Dźmitry.
Siabroŭcy Dźmitryja Volzie lekary telefanujuć dachaty i pytajucca, jakaja ŭ jaje temperatura.
A jak medyki daviedalisia, što Dźmitry i Volha pryjechali ŭ Lidu paśla naviedvańnia Kitaja?
«Atrymlivajecca, što mianie «zdaŭ» susied. Vidać, jon pračytaŭ niedzie pra nas u sacsietkach. Jon žyvie ŭ našym domie i viedaje majo proźvišča. I jon, vidać, patelefanavaŭ u palikliniku ci ŭ «chutkuju». Vychodzić, što ŭčastkovy doktar daviedaŭsia raniej za ŭsich», — kaža Dźmitry.
Amatary padarožžaŭ aŭtastopam Dźmitry Kandziranda ź Lidy i Volha Kudrašova ź Minska pryjechali ŭ Kitaj 8 studzienia i nie mahli jaho pakinuć z pryčyny epidemii karanavirusnaj infiekcyi. 22 lutaha samalotam jany prylacieli ŭ Maskvu.
Karanavirus pryjšoŭ u Biełaruś: student BNTU ź Irana i jaho atačeńnie ŭ infiekcyjoncy
Simptomy, pieraściarohi, praviły pavodzin. Karanavirus u Biełarusi
U infiekcyjnaj balnicy Minska abviaścili karancin
«Papraŭlajsia, bracie!» Chvoramu na karanavirus irancu biełarusy pišuć słovy padtrymki
Karanavirus u Biełaruś pryjšoŭ z krainy, jakaja chavała jaho najaŭnaść
