U ZŠA rabotnik pivavarnaj kampanii zabiŭ piaciarych kaleh i zastreliŭsia sam
Mužčyna, jaki adkryŭ u sieradu stralbu ŭ administracyjnym budynku pivavarnaj kampanii MolsonCoors ŭ amierykanskim horadzie Miłuoki (štat Viskonsin), zabiŭ siabie. Pra heta paviedamiŭ šef palicyi Miłuoki Alfonsa Marales na pres-kanfierencyi, tranślacyju jakoj vioŭ telekanał NBC, piša tass.ru.
«Palicyjanty vyjavili padazravanaha — 51-hadovaha žychara Miłuoki — pamierłym, vidavočna, ad ahniastrelnaha ranieńnia, naniesienaha samomu sabie. My znajšli cieły jašče piaciarych darosłych ludziej. Usie jany pracavali na MolsonCoors», — adznačyŭ šef palicyi horada.
Mer Tom Beret nazvaŭ toje, što zdaryłasia, «hramadskaj trahiedyjaj», ale admoviŭsia ahučvać viersii matyvaŭ strałka. Vice-hubiernatar Viskonsina Mandeła Barns adznačyŭ biessensoŭnaść taho, što adbyłosia. «Mnie niepryjemna pra heta kazać, ale heta była adzinaccataja masavaja stralba ŭ našym štacie z 2004 hoda», — dadaŭ Barns.
