Biełaviežskich zubroŭ buduć ličyć z dapamohaj kvadrakoptara
Štohadovy padlik dzikich žyvioł zvyčajna ažyćciaŭlajecca ŭ zimovy pieryjad. Tradycyjnymi mietadami ŭliku zubroŭ źjaŭlajucca vizualnyja nazirańni za žyviołami ŭ miescach ich padkormak i žyravańnia, a taksama ŭlik pa śladach, paviedamlaje Biełaviežskaja pušča.
Dla vyśviatleńnia kolkaści i połaŭzrostavaj struktury zubroŭ Biełaviežskaj puščy sioleta była zadziejničana lasnaja achova ŭsich laśnictvaŭ, jakija majuć padkormavyja placoŭki, a taksama jehierskaja słužba nacyjanalnaha parku, adździeł zubraznaŭstva i navukovy adździeł. Takimi ž ulikami z vyjaŭleńniem połaŭzrostavaj struktury žyvioł projdzienaja achoŭnaja zona nacyjanalnaha parku i prylehłyja terytoryi, na jakija ŭ zimovy pieryjad vychodzić vialikaja kolkaść zubroŭ.
Biaśśniežnaja zima 2020 prymusiła navukoŭcaŭ zadumacca nad prymianieńniem instrumientalnych mietadaŭ vyznačeńnia kolkaści i ŭstanaŭleńnia połaŭzrostavaj struktury zubroŭ. Pry ŭliku žyvioł u vialikich kolkaściach naleta navukovy adździeł płanuje vykarystać novy i bolš dakładny mietad uliku zubroŭ z dapamohaj kvadrakoptara.
