Šery kardynał Kramla Surkoŭ: Ukrainy niama. A ŭ jakich miežach jana budzie isnavać — pytańnie adkrytaje
Były pamočnik prezidenta Rasii Uładzimira Pucina Uładzisłaŭ Surkoŭ, jakoha ličać adnym z šerych kardynałaŭ Kramla, zajaviŭ, što Ukrainy niama i takoj nacyi nie isnuje. Pra heta jon skazaŭ u intervju vydańniu «Aktualnyje kommientarii». Surkoŭ raniej vyznačaŭ rasijskuju palityku na ŭkrainskim kirunku.
«Ukrainy niama. Jość ukrainstva. Heta značyć śpiecyfičnaje razładžańnie rozumaŭ. Dziŭnym čynam daviedzienaje da krajnich stupieniaŭ zachapleńnia etnahrafijaj. Takoje kryvavaje krajaznaŭstva. Biazładździe zamiest dziaržavy. Boršč, Bandera, bandura jość. A nacyi niama. Brašura «Samostijna Ukrajna» jość, a Ukrainy niama. Pytańnie tolki ŭ tym, Ukrainy ŭžo niama abo pakul što niama?» — skazaŭ Surkoŭ.
Adnak Surkoŭ ličyć, što z časam Ukraina ŭsio ž źjavicca.
«Chachły — chłopcy ŭpartyja, jany zrobiać. Adnak jakaja mienavita heta budzie Ukraina, u jakich miežach jana budzie isnavać i navat, moža być, kolki budzie Ukrain — pytańni adkrytyja. I ŭ vyrašeńni hetych pytańniaŭ Rasii tak ci inakš treba budzie ŭdzielničać», — zajaviŭ Surkoŭ.
«Prymus siłaj da braterskich adnosin — adziny mietad, jaki histaryčna dakazaŭ efiektyŭnaść na ŭkrainskim kirunku. Nie dumaju, što budzie vynajdzieny niejki inšy», — zajaviŭ były rasijski čynoŭnik.
