U Aŭstryi pamierła italjanskaja turystka, jakaja mahła być zaražanaja karanavirusam
Turystka ź Italii pamierła ŭ aŭstryjskim horadzie Bad-Klajnkirchhajm (fiederalnaja ziamla Karyntyja). Daktary padazrajuć, što jana mahła być zaražanaja karanavirusam novaha typu. Pra heta paviedamiła ŭ sieradu pres-słužba ŭrada Karyntyi, piša TASS.
56-hadovaja italjanka pražyvała ŭ apartamientach, jakija paśla jaje śmierci začynili na karancin. Va ŭsich pastajalcaŭ biaruć analizy. Ułady sprabujuć vyśvietlić, z kim mahła kantaktavać pamierłaja žančyna.
Pieršyja dva vypadki zaražeńnia novym karanavirusam byli zafiksavanyja napiaredadni ŭ aŭstryjskaj fiederalnaj ziamli Cirol u dvaich hramadzian Italii. Para pryjechała ź italjanskaj vobłaści Łambardyja. Ich źmiaścili ŭ karancin, stan aceńvajecca jak stabilny.
U Ministerstvie achovy zdaroŭja Aŭstryi paviedamili, što havorka ab zakryćci miažy ź Italijaj z-za raspaŭsiudžvańnia virusa pakul nie idzie.
