U Łuninieckim rajonie spynili biaspraŭnika na Audi z 5,4 pramile. Heta rekord vobłaści

Zatrymali pjanaha biaspraŭnika ŭ vioscy Viełuta Łuninieckaha rajona ŭviečary 23 lutaha. Uvahu supracoŭnikaŭ DAI pryciahnuŭ «Aŭdzi 80», jaki vilaŭ pa bakach. Pa patrabavańni inśpiektaraŭ kiroŭca spyniŭsia. Jon byŭ niećviarozy, paviedamlaje abłasnaja DAI.

Mužčynu dastavili ŭ rajonnuju balnicu dla prachodžańnia miedycynskaha ahladu. Vynik — 5,4 pramile. Takaja kancentracyja ałkaholu ličycca ciažkim atručeńniem, pry jakim moža nastupić śmierć.

Na kiroŭcu skłali administracyjnyja pratakoły za kiravańnie aŭto ŭ stanie ałkaholnaha apjanieńnia i biez prava kiravańnia.

Biaspraŭnik z Łuninieckaha rajona pastaviŭ novy ałkaholny antyrekord vobłaści. Dy jaho lidaram u hetym rejtynhu byŭ matacyklist sa Stolinskaha rajona: u jaho było 4,8 pramile.

NN.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0