Uviaduć akredytacyju miedycynskich ustanoŭ
U Biełarusi płanujuć stvaryć sistemu akredytacyi miedycynskich ustanoŭ, čakajecca, što paŭnavartasna jana zapracuje z 2023 hoda, zajaviŭ ministr achovy zdaroŭja Uładzimir Karanik, piša Interfax.by.
«My stvarajem sistemu akredytacyi miedycynskich ustanoŭ. Hetaja sistema pačnie stvaracca ŭ hetym hodzie, i ŭ poŭnym abjomie jana zapracuje z 1 studzienia 2023 hoda», — skazaŭ Karanik žurnalistam u aŭtorak u Minsku.
Jak rastłumačyŭ ministr, usie miedustanovy krainy projduć akredytacyju na adpaviednaść bazavym standartam i šerahu patrabavańniaŭ, jakija charaktaryzujuć uzrovień akazańnia mieddapamohi.
Adpaviedna, praciahnuŭ kiraŭnik Ministerstva achovy zdaroŭja, kali miedustanova nie moža akazvać śpiecyjalizavanuju dapamohu na naležnym uzroŭni, to jana nie budzie akredytavana na akazańnie hetaha vidu dapamohi.
«Finansavańnie tych vidaŭ dapamohi, jakija nie prajšli akredytacyju, z respublikanskaha i miascovych biudžetaŭ dapuskacca nie budzie», — padkreśliŭ Karanik.