Haz dla ŭkraincaŭ patańnieŭ da čatyrochhadovaha minimumu
Cana 3,95 tysiačy hryŭniaŭ (kala 357 rubloŭ) za tysiaču kubamietraŭ źjaŭlajecca samaj nizkaj aptovaj canoj dla nasielnictva Ukrainy z krasavika 2016 hoda, paviedamlaje UNIAN.
Fota Nadziei Bužan.
Hetaja cana na 15% mienšaja, čym u studzieni 2020 hoda, i na 37% — čym u lutym 2019 hoda. Takaja cana (biez uliku PDV, nacenki kampanij, jakija zajmajucca zbytam, i vydatkaŭ na transparciroŭku hazu mahistralnymi i raźmierkavalnymi trubapravodami) źjaŭlajecca samaj nizkaj aptovaj canoj «Naftahazu» dla nasielnictva z krasavika 2016 hoda.
Paviedamlajecca, što novaja cana adlustroŭvaje rynkavyja tendencyi źnižeńnia koštu enierharesursaŭ, jakija ŭ apošni čas demanstrujuć klučavyja jeŭrapiejskija enierhietyčnyja biržy.
Nahadajem, raniej ministr enierhietyki i achovy navakolnaha asiarodździa Ukrainy Alaksiej Oržal paviedamiŭ, što cana hazu dla Ukrainy letam moža źmienšycca da $80 za 1 tysiaču kubamietraŭ. Dla paraŭnańnia, u pačatku 2020 hoda Biełaruś płacić «Hazpromu» 127 dalaraŭ za tysiaču kubamietraŭ pa kantrakcie.
Čytajcie taksama: Va Ukrainie čakajuć, što cana na haz da leta moža ŭpaści da $80. Biełaruś płacić «Hazpromu» $127
