Čatyry pravincyi KNR panizili ŭzrovień pahrozy raspaŭsiudu karanavirusa
Čatyry kitajskija pravincyi abviaścili pra źnižeńnie ŭzroŭniu pahrozy zachvorvańnia na karanavirus, paviedamlaje RBK.
Pravincyi Juńnań i Hujčžou źnizili ŭzrovień niebiaśpieki ź pieršaha (najvyšejšaha) uzroŭniu da treciaha, Huańdun i Šańsi ź pieršaha da druhoha.
Raniej pra źnižeńnie ŭzroŭniu niebiaśpieki zajavili miedycynskija ŭłady pravincyj Hańsu i Laanin.
Jak paviedamlaje South Morning China Post, rašeńnie ŭładaŭ čatyroch kitajskich rehijonaŭ prahučała na fonie vystupu Si Czińpinia, jaki paabiacaŭ vialikuju dziaržaŭnuju padtrymku dla pieramohi nad epidemijaj. Lidar KNR nazvaŭ karanavirus vyprabavańniem dla ŭsioj krainy, adznačyŭšy, što Kitaj pavinien atrymać uroki.
Pa apošniaj infarmacyi, praz karanavirus pamierli 2442 čałavieki. Za miežami kantynientalnaha Kitaja krainami z najbolšaj kolkaściu infikavanych stali Paŭdniovaja Kareja, Japonija i Italija.