«Biełnaftachim» prapanavaŭ «Hazpram nafcie» davalnickuju schiemu dla pastavak nafty, ale damoŭlenaściaŭ niama
Pra heta paviedamiŭ žurnalistam pres-sakratar kancerna Alaksandr Ciščanka pa vynikach pierahavoraŭ «Biełnaftachima» z pradstaŭnikami daččynaj kampanii ZTAA «Hazpramnafta-Biełnaftapradukt», piša BiełTA.
«Siońnia adbylisia pierahavory «Biełnaftachima» z pradstaŭnikami NK «Hazpram nafta» pa pytańniach realizacyi davalnickaj schiemy raboty.
Biełaruski bok prapanavaŭ umovy pa formule 20 na 80, pry jakoj «Hazpram nafta» zmoža pastaŭlać u Biełaruś naftu biez premii, zabirajučy sabie piatuju častku abjomu pastaŭki na davalnickuju pierapracoŭku», — paviedamiŭ Alaksandr Ciščanka.
Jon udakładniŭ, što «pradstaŭniki rasijskaj naftavaj kampanii zmahli paćvierdzić tolki hatoŭnaść zarablać, kali dakładniej, tolki zdymać viarški, vyklučyŭšy inšy ŭdzieł u struktury farmiravańnia rynku paliva na biełaruskaj terytoryi».
«Pa vynikach pierahavoraŭ, «Biełnaftachim» paviedamiŭ pradstaŭnikam daččynaj struktury «Hazpram nafty», što budzie prykładać pa mahčymaści maksimalnyja namahańni dla zabieśpiačeńnia pastavak paliva na ich AZS z ulikam intaresaŭ unutranaha rynku biełaruskich spažyŭcoŭ», — skazaŭ Alaksandr Ciščanka.
U toj ža čas u «Biełnaftachimie» nie vyklučyli adnaŭleńnie pierahavoraŭ z «Hazpram naftaj». Takaja ž schiema budzie prapanoŭvacca i inšym naftavym kampanijam. «Heta ahulnaja ŭmova pa davalnickaj schiemie», — dadali ŭ kancernie.
