Nazvanyja terminy vyprabavańnia kitajskaj vakcyny ad karanavirusa
Vyprabavańni kitajskaj vakcyny ad karanavirusa pačnucca nie raniej za kaniec krasavika. Pra heta paviedamiŭ namieśnik ministra navuki i technałohij Kitaja Siuj Nańpin.
Kitajski ministr adznačyŭ, što raspracoŭka vakcyny idzie sinchronna ź inšymi krainami. Pry hetym namieśnik dziaržaŭnaha kamiteta pa achovie zdaroŭja Kitaja Czen Isiń zajaviŭ, što niekatoryja kitajskija vakcyny ŭžo testujuć na žyviołach.
Jak patłumačyŭ Czen Isiń, dla pačatku śpiecyjalisty pavinny vyznačyć aktyŭnyja inhredyjenty i vybrać prydatny štam virusa. Paśla hetaha nieabchodna taksama arhanizavać technałohiju vytvorčaści, kantrol jakaści, pravieści šerah vyprabavańniaŭ vakcyny i ekśpiertyzu na pradmiet biaśpieki. Padavać jaje na kliničnyja vyprabavańni možna budzie tolki paśla ŭsich hetych krokaŭ.
