Trenier pa bijatłonie: Budziem u Raŭbičy pieravozić śnieh z Łahojska, Siličaŭ, Viaśnianki
biathlon.by
Hałoŭny trenier zbornaj Biełarusi pa bijatłonie Juryj Albiers raspavioŭ pra składanuju situacyju z padrychtoŭkaj ČIE-2020 u Raŭbičach u plusavaje nadvorje. Čempijanat, ad jakoha admoviłasia Estonija z-za adsutnaści śniehu, piša kp.by.
— Zapasy śniehu zrabili, ličym: chopić ci nie. Pavinna chapić. Situacyja składanaja. Ale robicca ŭsio mahčymaje, — skazaŭ nam dziaržtrenier pa bijatłonie Juryj Albiers.
— Ale i harmatam dla vypracoŭki śniehu patrebnyja ŭmovy.
— Harmaty mohuć pracavać, kali na vulicy tempieratura minus try (jašče lepš minus piać). Kali tempieratura vyšej, to ź ich idzie vada. Na minułym tydni była adna maroznaja noč — kolki mahli, maksimalna zrabili zapasy. Budziem pieravozić śnieh z Łahojska, Siličaŭ, Viaśnianki. Inšaha varyjantu niama — tolki harmatami narychtoŭvać, — skazaŭ Albiers.
Uličvajučy składanyja ŭmovy, u Raŭbičach płanujuć zrabić trasu ŭ 2,5 km (adzin kruh) — heta ŭpisvajecca ŭ minimalnyja patrabavańni rehłamientu. Čempijanat startuje ŭžo 26 lutaha. Naša zbornaja vystupić u najmacniejšym składzie. Astatnija kamandy, chutčej za ŭsio, daduć pieradychnuć svaim lidaram paśla čempijanatu śvietu i pierad zaviaršalnymi etapami Kubka śvietu. U poŭnym składzie abiacali pryjechać tolki Rasija, Łatvija i Bałharyja.
Z łyžnaj trasy ŭ Viaśniancy vyvoziać śnieh u Raŭbičy?
