Siońnia adnaŭlajecca Liha čempijonaŭ. Pryčym adrazu supiermatčam
Jurhien Kłop («Livierpul») zaraz trenier №1 u śviecie, fota z sajta uefa.com
Siońnia startujuć matčy płej-of Lihi čempijonaŭ. Pryčym pieršyja hulni 1/8 finału raźniesienyja na dva tydni.
H. zn. dva pajadynki buduć zhulanyja siońnia, dva — u sieradu, čatyry — na nastupnym tydni, što dosyć zručna dla hledača. Prapuskaješ maksimum 50%. Adna biada — pačynacca hulni buduć a 23:00. A ŭžo krasavickija čverćfinały buduć startavać a 22:00, kali Jeŭropa vierniecca na letni čas.
Admietna, što matčy 1/8 finału adrazu pačynajucca supiermatčam: «Atletyka» — «Livierpul».
Jaho i pakaža siońnia Biełaruś-5 (23:00). U premjer-lizie «Livierpul» idzie na pieršym miescy, apiaredžvajučy najbližejšaha supiernika adrazu na 25 bałaŭ. U kłuba ŭ 26 hulniach 25 pieramohaŭ, adna ničyja dy nivodnaj parazy. Na jeŭrapiejskaj arenie kłub taksama daŭno nie prajhravaŭ («Barsiełonie», jakuju potym vynies na «Enfiłdzie»).
«Atletyka» ŭ čempijanacie Ispanii — 4-ja. Jaje apiaredziŭ navat «Chietafie».
Siońnia zhulajuć taksama «Barusija» Dortmund — PSŽ.
Za niemcaŭ pavinien vyjści hałoŭnaje adkryćcio hetaha siezona 19-hadovy narviežac Erlinh Chołand, što pravioŭ vosień u «Zalcburhu», dzie taksama zabivaŭ u ŁČ. U studzieni Chołand pierajšoŭ u «Barusiju» i adrazu nakałaciŭ vosiem miačoŭ u piaci hulniach.
U PSŽ taksama niazłomki: boj abiacajuć dać Niejmar, Mbape i Kavani. Budzie cikava.