U Rasii sud abaviazaŭ prymusova špitalizavać žančynu, jakaja źbiehła z karanavirusnaha karancinu
Sud Sankt-Pieciarburha ŭ paniadziełak, 17 lutaha, pryniaŭ rašeńnie prymusova źmiaścić pad nazirańnie ŭ infiekcyjnuju balnicu pacyjentku Ału Iljinu, jakaja ŭciakła sa stacyjanara, kab vyklučyć u jaje dyjahnaz lohačnaha zachvorvańnia, vyklikanaha karanavirusam, paviedamlaje DW.
4 lutaha 32-hadovaja žycharka Sankt-Pieciarburha Ała Iljina, jakaja viarnułasia pierad hetym z pajezdki ŭ Kitaj, źviarnułasia ŭ palikliniku №32 u Sankt-Pieciarburhu, dzie daktary vyjavili ŭ jaje prykmiety vostraha virusnaha zachvorvańnia, jakoje mahło być vyklikana karanavirusam.
Praz try dni, 7 lutaha, Iljina samavolna pakinuła špital. Adnak Rasspažyŭnahlad zaŭvažyŭ jaje adsutnaść tolki praz tydzień paśla źjaŭleńnia infarmacyi pra incydent u ŚMI.
Jak zajavili sama Iljina paśla słuchańnia 17 lutaha, jana hatovaja padparadkavacca rašeńniu suda i adpravicca na špitalizacyju.
