Ministr finansaŭ: Rychtujecca ŭkaz pa źmienach u vypłacie darožnaha zboru
Pra heta raspavioŭ žurnalistam kiraŭnik viedamstva Maksim Jermałovič, piša BiełTA.
«My pracujem nad padrychtoŭkaj prajekta ŭkaza, jaki trochi źmianiaje sistemu źbirańnia płaty za darožnuju infrastrukturu, ustanaŭlivaje bolš spraviadlivy miechanizm jaje vypłaty dla tych ludziej, jakija niepastajanna vykarystoŭvajuć transpart, — raskazaŭ ministr. — Ale ŭ cełym havorka idzie ab zachavańni isnujučaha paradku vypłaty darožnaha zboru z pašyreńniem lhot dla asobnych katehoryj, źmienaj pieryjadyčnaści vypłaty, źnižkami dla tych, chto hatovy apłačvać na daŭžejšy termin».
Pa słovach Maksima Jermałoviča, źmieny ŭ cełym nakiravany na palapšeńnie isnujučaj sistemy. «Taki prajekt ukaza Ministerstva finansaŭ padrychtavała, unosić jaho na razhlad urada. Budziem abmiarkoŭvać i dakładvać kiraŭniku dziaržavy», — skazaŭ jon.
Ministr udakładniŭ, što, na dumku Minfina, darožny zbor budzie adviazany ad prachodžańnia techahladu. «Budzie inšaja sistema kantrolu. Razhladajucca varyjanty, kali budzie techničnaja hatoŭnaść da ŭviadzieńnia novaj sistemy. Akramia taho, buduć ustanoŭleny bolš spraviadlivyja i prymalnyja dla nasielnictva miechanizmy vypłaty», — dadaŭ Maksim Jermałovič.
