Kiraŭniki Azierbajdžana i Armienii ŭpieršyniu padyskutavali pra Karabach
Prezident Azierbajdžana Ilcham Alijeŭ i premjer-ministr Armienii Nikoł Pašynian upieršyniu ŭziali ŭdzieł u adkrytych panelnych abmierkavańniach kanfliktu ŭ Nahornym Karabachu. Baki padyskutavali pra situacyju ŭ rehijonie na Miunchienskaj kanfierencyi pa biaśpiecy, paviedamlaje lenta.ru
U chodzie debataŭ «Novyja tendencyi ŭ nahorna-karabachskim kanflikcie» Alijeŭ zajaviŭ, što jašče ŭ 1921 hodzie balšavickaje pradstaŭnictva ŭ rehijonie pryniało rašeńnie «zachavać Karabach u składzie Azierbajdžana». Mienavita tamu, ličyć Alijeŭ, pazicyja armianskaha boku ab tym, što Karabach byŭ pieradadzieny Azierbajdžanu, nie adpaviadaje rečaisnaści.
U toj ža čas Pašynian adznačyŭ, što «mižnarodnaja supolnaść stomlena» ad paŭtarajemych hadami dovadaŭ bakoŭ. «Niemahčyma rašyć 30-hadovy kanflikt za 1-2 kroki», — skazaŭ premjer, prapanavaŭšy ździajśniać «mini-revalucyi» i paetapna adychodzić ad raniejšych žorstkich pazicyj.
Na dumku Pašyniana, rašeńnie kanfliktu pavinny rabić usie try baki: Armienija, Nahorny Karabach i Azierbajdžan. Pry hetym jon ličyć, što dla «lepšaha razumieńnia» pazicyj bakoŭ treba vykarystoŭvać sacsietki, jakija dapamahajuć bačyć kanflikt u rehijanalnym i hłabalnym kantekście.
Alijeŭ vykazaŭsia za paetapnaje rašeńnie, pry hetym padkreśliŭšy, što Baku pojdzie na sastupki pry ŭmovie, kali Jerevan spynić finansavać Nahorny Karabach i vyviedzie adtul svaje vojski. Pašynian adkazaŭ, što ŭ rehijonie niama armianskich vojskaŭ, a tolki miascovyja siły samaabarony i dobraachvotniki z Armienii.
