Bojka myšej u łondanskim mietro atrymała hałoŭny pryz hladackich simpatyj FOTA
Sam Rowley, WPY
Luby, chto rehularna karystajecca łondanskaj padziemkaj, ź imi znajomy. Maleńkija čornyja myški raz-poraz šastajuć pa płatformie i rejkach, asabliva ŭ poźnija hadziny, kali patok pasažyraŭ vyčerpvajecca, piša Bi-bi-si.
Fatohraf Sem Roŭli byŭ tak začaravany hetymi stvareńniami, što pravioŭ tydzień pad ziamloj, sprabujučy zrabić dobry zdymak.
I voś adnojčy nočču jamu pašancavała: jon sfatahrafavaŭ bojku dźviuch myšak za kavałačak ježy, zhubleny pasažyram. Bojka doŭžyłasia litaralna siekundu, paśla čaho pieramožca tryumfalna źbieh.
Nastojlivaść pryniesła Semu pryz «Fatohraf hoda žyvoj pryrody». Hetaja ŭznaharoda narodnaja — jana ŭručajecca nie ekśpiertami, a pa vynikach usieahulnaha hałasavańnia.
Fanataŭ hetaha štohadovaha konkursu paprasili prahałasavać za najlepšyja zdymki, što nie atrymali asnoŭnyja pryzy žury ŭ kastryčniku.
Myšy zaniali ŭpeŭnienaje pieršaje miesca.