Pad Baranavičami traktaryst vykapaŭ kostki, ale ad hrachu dalej zakapaŭ u inšym miescy. A ciapier raskajaŭsia
U milicyju Baranavickaha rajona 10 lutaha źviarnuŭsia rabočy. Jon raskazaŭ, što ŭ poli kala vioski Małaja Svarotva znajšoŭ čałaviečyja kostki, piša BiełTA.
Pa ščyraści, jon zaŭvažyŭ ich jašče paŭhoda tamu, ale tady pra znachodku nikomu nie paviedamiŭ, a zakapaŭ kostki ŭ inšym miescy.
Ciapier ža vyrašyŭ padzialicca infarmacyjaj z pravaachoŭnikami.
«Ekśpiert pry ahladzie kaścianych frahmientaŭ papiarednie vyznačyŭ, što im bolš za 70 hadoŭ. Dla vyśviatleńnia, jakoj kolkaści ludziej naležać pareštki, a taksama ich daŭnaści pryznačanaja miedyka-kryminalistyčnaja ekśpiertyza, — adznačyła aficyjny pradstaŭnik upraŭleńnia Dziaržaŭnaha kamiteta sudovych ekśpiertyz pa Bresckaj vobłaści Taćciana Katok. — Pa słovach miascovych žycharoŭ, na terytoryi, dzie znajšli kostki, raniej znachodzilisia mohiłki».
