Finlandyja pieršaj u ES vyrašyła zdabyvać pramysłovy ŭran
Urad Finlandyi vydaŭ dazvoł dziaržaŭnaj hornazdabyŭnoj kampanii Terrafame na zdabyču ŭranu ŭ rehijonie Kajnuu (Kainuu) va ŭschodniaj častcy krainy.
Zhodna ź licenzijaj, piša Interfax, na rudniku kampanii ŭ Sotkama (Sotkamo) možna budzie vyrablać da 250 ton uranu ŭ hod. Pra heta paviedamiŭ partał teleradyjoviaščańnia Yle.
Pavodle dadzienych partała, ciapier ni ŭ adnoj krainie Jeŭrasajuza nie zdabyvajuć uran, Finlandyja moža stać pieršaj.
Centr jadziernaj i radyjacyjnaj biaśpieki STUK užo minułym letam vynies rašeńnie ab tym, što pieraškod dla ažyćciaŭleńnia płanaŭ kampanii pa zdabyčy ŭranu z punktu hledžańnia jadziernaj i radyjacyjnaj biaśpieki niama.
Kampanija Terrafame, jakaja zajmajecca ŭ asnoŭnym zdabyčaj nikielu i cynku, paviedamiła, što dla zapusku ŭranavaha zavoda spatrebicca kala hoda. Adnak terminy mohuć być ssunutyja, kali Finski sajuz achovy pryrody abskardzić rašeńnie ŭrada ŭ Vyšejšym administracyjnym sudzie.
Uran pierapracoŭvajecca ŭ paliva dla atamnych elektrastancyj. U Finlandyi pracujuć čatyry atamnyja reaktary, jakija vypracoŭvajuć 35% ad ahulnaha abjomu vyrablenaj u krainie elektraenierhii.