Doktar, jaki pieršym padniaŭ tryvohu z-za karanavirusa i za heta atrymaŭ pa hałavie ad uładaŭ, pamior
Kitajski doktar, jaki sprabavaŭ zahadzia papiaredzić pra ŭspyšku karanavirusa i z-za hetaha trapiŭ pad padazreńnie z boku ŭładaŭ kamunistyčnaha Kitaja, usio ž pamior u balnicy.
Pra śmierć Li Veńlania paviedamlałasia ŭ čaćvier, 6 lutaha, adnak paźniej kitajskija ŚMI napisali, što lekara ŭdałosia reanimavać. Paviedamlałasia, što mužčyna znachodziŭsia ŭ krytyčnym stanie, u jaho spyniałasia serca.
Adnak paźniej ahienctva AP paviedamiła, što 34-hadovy Li Veńlań usio ž pamior u balnicy praz karanavirus.
Suśvietnaja arhanizacyja achovy zdaroŭja napisała ŭ tvitary: «My hłyboka zasmučanyja śmierciu doktara Li Veńlania. Nam usim varta šanavać pracu, jakuju jon zrabiŭ».
30 śniežnia mužčyna napisaŭ paviedamleńnie ŭ ahulnym čacie z byłymi adnahrupnikami z papiaredžańniem, što ŭ jaho špital dastavili siemiarych pacyjentaŭ ź simptomami atypovaj pnieŭmanii.
Na nastupny dzień, 31 śniežnia, miascovyja ŭłady vyklikali Li Veńlania dla tłumačeńniaŭ.
Palicyja abvinavaciła Li Veńlania ŭ «raspaŭsiudzie čutak» i «surjoznym parušeńni hramadskaha paradku».
