U Turkmienistanie čynoŭnikaŭ abaviazali stać sivymi, jak prezident
Mužčyn-čynoŭnikaŭ Lepabskaha rehijona na ŭschodzie Turkmienistana, jakim bolš za 40 hadoŭ, abaviazali chadzić ź sivymi vałasami, paviedamiŭ karespandent Radyjo Svaboda. Takim čynam dziaržsłužačyja pavinny prypadobicca da prezidenta krainy Hurbanhuły Bierdymuchamiedava, jaki staŭ źjaŭlacca na publicy ź siviznoj u žniŭni 2018 hoda.
Ź pieršaha lutaha čynoŭnikam, supracoŭnikam škoł i balnic zabaroniena padfarboŭvać vałasy, śćviardžaje Turkmienskaja słužba RS. Tym, u kaho zachavaŭsia naturalny koler vałasoŭ, treba padfarbavać ich u siviznu.
U vypadku, kali prezident, jaki nosić aficyjny tytuł Ćviardyni, apory i nadziei, naviedaje rehijon ź vizitam, dapuskacca da jaho buduć u asnoŭnym sivyja čynoŭniki, pieradaje vydańnie sa spasyłkaj na dźvie krynicy.