Davydźka: U «Vosieni patryjarcha» Markiesa šmat paralelaŭ ź Biełaruśsiu
Karespandent «Našaj Nivy» sustreŭ na Minskaj knižnaj vystavie byłoha kiraŭnika Biełteleradyjokampanii, a ciapier deputata Hienadzia Davydźku.
Davydźka skłaŭ śpis knih, jakija varta pačytać aŭdytoryi «Našaj Nivy».
— Ciapier ja sam čytaju Humilova, vyvučaju pasijanarnuju sistemu, a raiŭ by pračytać usiaho Karatkieviča.
Potym… Uładzimir Arłoŭ. Jaho histaryčnyja knižki abaviazkova pračytać.
Z zamiežnikaŭ… Leanid Andrejeŭ, Andrej Płatonaŭ — zabytyja ruskija aŭtary, ale ich treba, napeŭna, pieračytać siońnia. Zachaplajusia Markiesam: «Sto hadoŭ adzinoty», naprykład.
— A «Vosień patryjarcha» vam jak?(Tvor, jaki apisvaje noravy i pieražyvańni łacinaamierykanskaha dyktatara. Adna z centralnych padziej — insceniroŭka ŭłasnaj śmierci, jakaja vyklikaje ŭ ludziach nie smutak pa stracie, a žadańnie hulać i zapuskać fiejervierki. Urešcie dyktatar zastajecca adzin i nikomu nie patrebny — Red.).
— I «Vosień patryjarcha».
— Paraleli niejkija bačacca vam z sučasnaj Biełaruśsiu?
— Šmat paralelaŭ. Kłasika jana na toje i kłasika.
Hladzicie: «Ja žyvu ŭ toj Biełarusi, jakuju pakazvajuć pa BT». Žorstki «Tok» z Hienadziem Davydźkam
