Dziaržsakratar ZŠA Pampiea ŭšanavaŭ pamiać Kaściuški i zapisaŭ VIDEAzvarot
Dziaržsakratar ZŠA Majkł Pampiea zapisaŭ videazvarot, u jakim ušanavaŭ pamiać Tadevuša Kaściuški. Ambasada ZŠA ŭ Minsku apublikavała videa 4 lutaha — dzień naradžeńnia nacyjanalnaha hieroja Biełarusi, Polščy i ZŠA.
— Heta vialiki honar dla mianie — padčas svajho vizitu ŭ Minsk ušanavać vialikaha zmahara za niezaležnaść i suvierenitet, hieroja Biełarusi, Polščy i ZŠA. Pomnik Tadevušu Kaściušku paziraŭ na nas, kadetaŭ vajennaj akademii Uest-Pojnt, na bierazie Hudzona. Jon staŭ šyroka viadomym u jakaści inžyniera abarončych umacavańniaŭ Uest-Pojnta padčas amierykanskaj vajny za niezaležnaść. Paśla Kaściuška zrabiŭ vialiki ŭniosak u stanaŭleńnie Vajennaj akademii Złučanych Štataŭ i navieki ŭpisaŭ svajo imia ŭ historyju, staŭšy na čale baraćby za niezaležnaść Baćkaŭščyny. Usie try našyja narody mohuć z honaram adznačyć jaho ŭniosak u našu svabodu. Ja spadziajusia, jašče bolš amierykancaŭ daviedajucca pra našy suviazi ź Biełaruśsiu i hetym rehijonam. I pa miery hetaha, ja ŭpeŭnieny, jany adkryjuć dla siabie historyju vialikaha baraćbita za volu, jaki zmahaŭsia za našu i vašu svabodu! — zajaviŭ dziaržsakratar ZŠA.
