Siaholetni studzień byŭ samym ciopłym u Biełarusi za ŭsiu historyju mieteanazirańniaŭ
Studzień 2020 hoda ŭ Biełarusi byŭ samym ciopłym za ŭsiu historyju mieteanazirańniaŭ, paviedamlaje Biełhidramiet.
Siaredniaja pa Biełarusi tempieratura pavietra ŭ studzieni skłała +1,1 hradusa, što vyšej za klimatyčnuju normu na 5,5 hradusa. Taki ciopły studzień za ŭsiu historyju mieteanazirańniaŭ adznačajecca ŭpieršyniu.
Najbolšyja stanoŭčyja adchileńni tempieratury pavietra ad klimatyčnaj normy adznačanyja ŭ Viciebskaj vobłaści, najmienšyja — u Bresckaj. Usie try dekady studzienia byli ciopłymi, a samaj ciopłaj — treciaja ź siaredniaj tempieraturaj pavietra na 6 hradusaŭ vyšej za normu. Tempieratura pieršaj i druhoj dekadaŭ pieravyšała klimatyčnuju normu na 4,7 i 5,8 hradusa adpaviedna.
Za miesiac u siarednim pa Biełarusi vypała 36,8 mm apadkaŭ, što składaje 92% klimatyčnaj normy. Pa terytoryi krainy apadki raspaŭsiudžvalisia nieraŭnamierna. Najbolšaja ich kolkaść adznačana na terytoryi Viciebskaj vobłaści (91% klimatyčnaj normy), najmienšaja — na terytoryi Bresckaj vobłaści (72%). Apadki vypadali ŭ asnoŭnym u vyhladzie daždžu, śniehu i mokraha śniehu.