Praficyt biudžetu ŭ 2019 hodzie skłaŭ 3,2 miljarda rubloŭ
Praficyt respublikanskaha biudžetu Biełarusi ŭ 2019 hodzie składaje 3,2 młrd rubloŭ, paviedamlaje BiełTA.
Dachody respublikanskaha biudžetu dasiahnuli 24,3 młrd, abo 100,4 pracenta ŭdakładnienaha hadavoha płana. Pastupleńnie PDV skłała 11,3 młrd (99,7 pracenta płana), padatku na prybytak pastupiła 3,8 młrd (100,4 pracenta). Akcyzy pastupili ŭ sumie 2,8 młrd (100,7 pracenta). Dachody ad źniešnieekanamičnaj dziejnaści skłali 4,8 młrd (101,9 pracenta).
Raschody respublikanskaha biudžetu składajuć 21,1 młrd, abo 96,5 pracenta ŭdakładnienaha hadavoha płana. Na ahulnadziaržaŭnuju dziejnaść nakiravana 8,3 młrd (93,1 pracenta), na finansavańnie nacyjanalnaj ekanomiki — 5,5 młrd (95,9 pracenta), na finansavańnie sacyjalnaj śfiery (sacyjalnaja palityka, adukacyja, achova zdaroŭja, fizičnaja kultura, sport, kultura i srodki masavaj infarmacyi) — 16 młrd (98,5 pracenta).
Praficyt biudžetu siektara dziaržaŭnaha kiravańnia za studzień-śniežań 2019 hoda skłaŭsia ŭ sumie 3,5 młrd. Dachody skłali 54 młrd, abo 102,3 pracenta ŭdakładnienaha hadavoha płana, raschody — 50,5 młrd (97,7 pracenta).
Praficyt biudžetu Fondu sacyjalnaj abarony nasielnictva — 0,1 młrd, Fondu ŭniviersalnaha absłuhoŭvańnia — 9,1 młn, Fondu cyvilnaj avijacyi — 2,2 młn.
Pa stanie na 1 studzienia 2020 hoda zapazyčanaść pa padatkach i zborach skłała 110,2 młn.
