Pucin: Ja prapanavaŭ papraŭki ŭ Kanstytucyju nie dla taho, kab padoŭžyć paŭnamoctvy
Papraŭki ŭ Kanstytucyju Uładzimir Pucin prapanavaŭ «nie dla taho, kab praciahnuć svaje paŭnamoctvy». Pra heta prezident Rasii zajaviŭ na sustrečy z pradstaŭnikami hramadskaści ŭ Čarapaŭcy (tranślacyju vioŭ telekanał «Rasija 24»), piša RBK.
U Pucina spytali, ci maje sens paśla praviadzieńnia ŭsienarodnaha hałasavańnia ab papraŭkach u Kanstytucyju pravodzić jašče i vybary prezidenta ŭ 2024 hodzie. «Paznačyŭšy svaju volu [na refierendumie], my vykažam peŭny votum davieru da vas, jak da čałavieka, jaki ŭnios hetyja papraŭki. Ci maje sens pravodzić potym vybary prezidenta, kali ŭžo zaraz na hetym etapie my svaju pazicyju paznačym?» — spytała adna z udzielnic sustrečy, pramaŭlajučy ad vučniaŭ škoły, jakuju jana pradstaŭlaje.
«Na moj pohlad, papraŭki, jakija ja prapanavaŭ, pradyktavanyja prosta žyćciom», — skazaŭ prezident Rasii. Jon adznačyŭ, što ŭdzielniki sustrečy, jakija zadali pytańni adnosna tych śfier, u jakich jany źjaŭlajucca śpiecyjalistami, «adčuvajuć i bačać, što treba niešta zrabić dla taho, kab situacyju palepšyć». «Voś toje ž samaje z tymi papraŭkami, jakija ja vysunuŭ», — dadaŭ Pucin.
