«Akademkniha» zaprašaje: prezientacyja novych vydańniaŭ na Mižnarodnaj knižnaj vystavie
«Akademičnaja kniha» i vydaviectva «Biełaruskaja navuka» zaprašaje naviedać Centralnuju placoŭku Nacyjanalnaha stendu Biełarusi XXVII Minskaj mižnarodnaj knižnaj vystavy-kirmašu, jakaja projdzie ŭ Nacyjanalnym vystaŭnym centry (pr. Pieramožcaŭ, 14).
6 lutaha 14.00-14.30 adbudziecca prezientacyja knihi doktara sacyjałahičnych navuk, prafiesara, člena-karespandenta NAN Biełarusi Alaksandra Daniłava «Akadiemik V.S.Stiopin. Tajna dołhoho puti…»
U knizie aśviatlajecca žyćciovy i tvorčy šlach vučonaha, akademika Rasijskaj akademii navuk, zamiežnaha člena Nacyjanalnaj akademii navuk Biełarusi, hanarovaha prafiesara Biełaruskaha dziaržaŭnaha univiersiteta Viačasłava Ściopina (1934-2018).
Pryznačana dla ŭsich, chto cikavicca historyjaj navuki.
7 lutaha 14.00-14.30. Prezientacyja sieryi knih «Śviet vačyma etnołaha».
«Etničieskije tradicii nacionalnoj kuchni Biełarusi»
U knizie pakazany nieacenny ŭkład, jaki ŭnieśli etničnyja supolnaści, što nasialajuć našu krainu, u farmiravańnie nacyjanalnaj kuchni Biełarusi. Dadzieny padrabiazny analiz elemientaŭ tradycyj charčavańnia žycharoŭ našaj krainy, jakija vyznajuć chryścijanstva, judaizm, isłam. Taksama pradstaŭlenyja i asnoŭnyja tradycyi charčavańnia narodaŭ krain Azii, vychadcy ź jakich žyvuć u Biełarusi.
Budzie karysnaja šyrokamu kołu čytačoŭ, jakija cikaviacca historyjaj i sučasnymi asablivaściami kultury charčavańnia nasielnictva Biełarusi.
«Christianskije prazdniki, obriady i tainstva v Biełarusi v prošłom i nastojaŝiem»
U knizie pakazanaje toje, što jadnaje ŭsie chryścijanskija kanfiesii našaj krainy, — abrady, śviaty i tajamnicy, jakija, adroźnivajučysia ŭ kananičnaj traktoŭcy kožnaj kanfiesii, za tysiačahadovy pieryjad isnavańnia na biełaruskaj ziamli stali častkaj jaje historyi i kultury, nabyli asablivaści, źviazanyja ź biełaruskaj tradycyjaj.
Spadabajecca šyrokamu kołu čytačoŭ, jakija cikaviacca historyjaj chryścijanstva ŭ Biełarusi.
Nabyć hetyja knihi dy inšyja novyja vydańni i biestsielery, možna taksama ŭ kniharni «Akademičnaja kniha» (pr. Niezaležnaści, 72).
RUP «Akademičnaja kniha» UNP 101462648
