Rasijski MUS prapanavaŭ spraścić atrymańnie hramadzianstva dla biełarusaŭ i ŭkraincaŭ
Pracedura atrymańnia hramadzianstva Rasii dla žycharoŭ Ukrainy i Biełarusi ŭ chutkim časie moža być sproščana. Pra heta paviedamiła TASS načalnik hałoŭnaha ŭpraŭleńnia pa pytańniach mihracyi MUS Rasii Valancina Kazakova.
Pavodle jaje słoŭ, razmova idzie pra admienu sumoŭja na viedańnie ruskaj movy. U achoŭnym viedamstvie ŭžo raspracavali adpaviednyja zakonaprajekty, udakładniła jana. Akramia taho, u žycharoŭ hetych krain, a taksama ŭ hramadzian Kazachstana i Małdovy źjavicca mahčymaść atrymlivać hramadzianstva Rasii paśla atrymańnia dazvołu na žycharstva.
«Heta našy susiedzi, i kolkaść žycharoŭ hetych dziaržaŭ, jakija žadajuć nabyć rasijskaje hramadzianstva, pastajanna raście», — skazała Kazakova. Pradstaŭnik MUS taksama adznačyła, što spraščeńnie atrymańnia rasijskaha pašparta dla zamiežnych hramadzian skarocić vypadki niezakonnaj mihracyi.
