Zialenski paraŭnaŭ himnazistaŭ, što dali boj balšavikam pad Krutami, z bajcami na Danbasie
president.gov.ua
Uładzimir Zialenski nahadaŭ žycharam Ukrainy pra boj pad Krutami, jaki adbyŭsia 29 studzienia 1918 hoda. Pa słovach kiraŭnika krainy, hetaja historyja pierš za ŭsio — pra advahu i śmiełaść.
«102 hady tamu historyja baraćby za ŭłasnuju dziaržaŭnaść papoŭniłasia hieraičnaj staronkaj — bojem pad Krutami. Heta historyja pierš za ŭsio nie pra pieramohu abo parazu, nie pra acenku rašeńniaŭ kamandavańnia, nie pra histaryčnyja i hieapalityčnyja nastupstvy. Heta pieradusim pra nievierahodnuju advahu i śmiełaść zusim junych, nie da kanca padrychtavanych kursantaŭ, studentaŭ i himnazistaŭ, jakija stali na abaronu ŭkrainskaj dziaržavy i zmahli spynić praciŭnika, jaki značna pieravažaŭ ich pa kolkaści i zbrojaj», — adznačyŭ prezident Ukrainy.
Jon adznačyŭ, što kraina pamiataje i addaje honar «stojkaści i mužnaści maładych chłopcaŭ, jakija hetak ža, jak i siońniašnija abaroncy Ukrainy na ŭschodzie, słužać hodnym prykładam našym budučym pakaleńniam».
Boj pad Krutami adbyŭsia 29 studzienia 1918 hoda pamiž Niežynam i Bachmačam na Čarnihaŭščynie padčas nastupu na Kijeŭ vojskaŭ balšavickaj Rasii na čale z pałkoŭnikam Michaiłam Muraŭjovym. Suprać 4000-balšavickaha atrada pietrahradskich i maskoŭskich čyrvonahradziejcaŭ vystupili kala 300 bajcoŭ Studenckaha kurenia, 250 — Pieršaj ŭkrainskaj vajennaj škoły i amal 40 hajdamakaŭ. Boj praciahvaŭsia da viečara. Było adbita niekalki napadaŭ. U bai było kala 300 zabitych, paranienych, pałonnych.