U Facebook raskazali, jak źbirajuć źviestki pra karystalnikaŭ
Amierykanskaja kampanija Facebook paviedamiła, što zajmałasia zboram źviestak ab aktyŭnaści svaich karystalnikaŭ na sajtach, jakija vykarystoŭvajuć instrumienty Facebook dla biznesu, piša tass.ru.
Kampanija paviedamiła, što analizuje «dziejańni pa-za Facebook» dla piersanalizacyi kantentu, jaki atrymlivajuć karystalniki sietki. «Dziejańni pa-za Facebook ŭklučajuć vaša ŭzajemadziejańnie z kampanijami i arhanizacyjami, pra jaki jany nam paviedamlajuć», — havorycca ŭ zajavie. Jak śćviardžaje daviedačny centr Facebook, karparacyja analizuje źviestki ab adkryćci dadatkaŭ abo ŭvachodzie ŭ ich praz Facebook, ab prahladzie kantentu, pošuku tavaru, jaho dadavańni ŭ košyk i nabyćci, a taksama ab ździajśnieńni achviaravańniaŭ.
U Facebook śćviardžajuć, što ciapier karystalniki zmohuć kiravać infarmacyjaj, jakaja dajecca kampanii dla analizu. U pryvatnaści, źjavicca funkcyja «ačyścić historyju», jakaja dazvalaje ŭładalniku akaŭnta ažyćciavić «adklučeńnie fiksacyi dziejańniaŭ pa-za Facebook». Pavodle infarmacyi haziety The Washington Post, hetaja funkcyja budzie padobnaja z funkcyjaj vydaleńnia historyi internet-braŭzera. Jana dazvolić vydalić infarmacyju pra naviedvańnie sajtaŭ, ale nie abmiažuje kampaniju ŭ dalejšym adsočvańni aktyŭnaści karystalnika.
Hazieta taksama paviedamiła, što Facebook źbirała źviestki, jakija tyčacca asabistaha žyćcia karystalnikaŭ, u tym liku infarmacyju ab naviedvańni ŭ internecie staronak miedycynskich kampanij, strachavych ahienctvaŭ i biuro kredytnych historyj.