Minimalnyja pracoŭnyja i sacyjalnyja piensii, dapłaty vyrastuć z 1 lutaha
U Biełarusi z 1 lutaha praviedzienyja pieraraźliki minimalnych pracoŭnych piensij, nadbavak i pavyšeńniaŭ da ich, dapłat piensijanieram va ŭzroście bolš za 75 hadoŭ, sacyjalnych piensij, paviedamlaje Ministerstva pracy i sacyjalnaj abarony.
Minimalny pamier piensii pa ŭzroście (pryznačajecca asobam, jakija majuć staž 25 hadoŭ u mužčyn i 20 — u žančyn) z ulikam dapłaty ŭ 20% siaredniaj zarabotnaj płaty składzie 245,12 rubla.
Štomiesiačnaja dapłata da piensij niepracujučych piensijanieraŭ u lutym-sakaviku dla ludziej va ŭzroście 80 hadoŭ i bolš składzie 59,97 rubla, va ŭzroście ad 75 da 80 hadoŭ — 44,98 rubla. Nadbaŭka dla invalidaŭ pieršaj hrupy składzie 59,97 rubla, dla piensijanieraŭ, jakija dasiahnuli 80-hadovaha ŭzrostu, — 29,99 rubla.
Sacyjalnyja piensii (pryznačajucca pry nieatrymańni pracoŭnaj piensii) pavialičvacca nastupnym čynam: invalidam I hrupy, u tym liku invalidam ź dziacinstva, — da 263,86 rubla, invalidam ź dziacinstva II hrupy — 227,88 rubla, invalidam II hrupy (akramia invalidaŭ ź dziacinstva), dzieciam u vypadku straty karmiciela na kožnaje dzicia — 203,89 rubla, invalidam III hrupy — 179,9 rubla, asobam, starejšym za ahulnaŭstanoŭleny piensijonny ŭzrost — 119,94 rubla, dzieciam-invalidam va ŭzroście da 18 hadoŭ pry roznaj stupieni straty zdaroŭja — ad 191,9 da 263,86 rubla.
Dapamoha pa dohladzie za invalidam I hrupy abo asobaj, jakaja dasiahnuła 80-hadovaha ŭzrostu, pavialičycca da 239,87 rubla (u vypadku dohladu za adnym takim čałaviekam) i da 287,84 rubla (za dvuma i bolš).
