Rasija: Polšča i palaki isnujuć siońnia dziakujučy našaj pieramozie ŭ vajnie
Polšča maje nieapłačany doŭh pierad Rasijaj i inšymi krainami byłoha SSSR, tamu što siońnia jana isnuje dziakujučy pieramozie SSSR u Druhoj suśvietnaj vajnie. Pra heta zajaviŭ rasijski pasoł u Polščy Siarhiej Andrejeŭ, jaki ŭdzielničaŭ u 75-j hadavinie vyzvaleńnia Aśviencima, piša onet.pl.
— Polšča isnuje siońnia dziakujučy pieramozie Savieckaha Sajuza ŭ Druhoj suśvietnaj vajnie. Kali b nie hetaja pieramoha, nie było b ni Polščy, ni palakaŭ. My viedajem, jaki los pravadyry Treciaha rejcha padrychtavali hetaj krainie i jaje narodu, — skazaŭ Andrejeŭ.
Jon dadaŭ, što «pa hetaj pryčynie, kali kazać pra daŭhi, Polšča maje niepahašany doŭh pierad Rasijaj i inšymi krainami byłoha Savieckaha Sajuza».
Nahadajem, 25 studzienia lidar kirujučaj u Polščy partyi «Prava i spraviadlivaść» Jarasłaŭ Kačyński zajaviŭ, što Varšava chacieła b atrymać hrašovuju kampiensacyju za škodu ŭ hady Druhoj suśvietnaj vajny nie tolki ad Niamieččyny, ale i ad Rasiei. Jon padkreśliŭ, što patrabavańni jaho krainy ŭ hetym pytańni «nie majuć terminu daŭniny», dadaŭšy, što nie vieryć u toje, što dažyvie da hetaha momantu.
