U avijakatastrofie zahinuŭ lehiendarny baskietbalist Kobi Brajant
41-hadovaja lehienda baskietboła Kobi Brajant zahinuŭ pry krušeńni viertalota. Pra heta paviedamlaje TMZ.
Fota: flickr.
Brajant razam z tryma spadarožnikami i piłotam znachodziŭsia na svaim pryvatnym viertalocie, jaki paciarpieŭ krušeńnie. Ratavalniki paćvierdzili, što nichto z tych, chto znachodziŭsia na borcie, nie vyžyŭ.
Siarod zahinułych — 13-hadovaja dačka spartoŭca. Pavodle infarmacyi krynicy, žonka Kobi Brajanta Vaniesa nie znachodziłasia na borcie pavietranaha sudna.
Stali viadomyja padrabiaznaści avijakatastrofy z Kobi Brajantam
Kobi Brajant zaviaršyŭ karjeru ŭ 2016 hodzie. Jon 18 razoŭ udzielničaŭ u Matčy zorak NBA, ź ich 17 zapar. Piać razoŭ stanaviŭsia čempijonam NBA i dvojčy MVP finalnaj sieryi. Na praciahu ŭsioj karjery z 1996 pa 2016 hady jon vystupaŭ za «Łos-Andželes Łejkiers».
Miesca krušeńnia.