Piotr Klujeŭ: Dla rasijskaj moładzi Biełaruś — heta absalutna inšaja kraina, jeŭrapiejskaja. Nijakich impierskich ambicyj
Muzyka Piotr Klujeŭ, udzielnik hurta ŁSP, staŭ hościem novaha vypusku «Toka». U hutarcy havorka zajšła i pra Rasiju.
— Vy z ŁSP šmat jeździcie pa Rasii. Što ty zrazumieŭ dla siabie pra Rasiju novaha?
— Raznastajnaja kraina, jak jana trymajecca — nie viedaju. Mistyka niejkaja. Kali ty laciš z Maskvy da Uładzivastoku i razumieješ, što heta toje samaje, što i da Ńju-Jorku… Pamiery, kaniečnie, uražvajuć. Ale ludzi… Paŭsiul jość ludzi dobryja i drennyja.
— Pra što dumajuć ludzi ŭ nievialikich rasijskich haradach?
— Jany žyvuć svaimi prablemami. Zadača — pieražyć, vyžyć, zarabić, prakarmić siamju. Prosta mienš mahčymaściaŭ. Kali heta siamja ŭ Šviecyi, to ŭ ich bolš mahčymaściaŭ. Tam heta bolš na takim pobytavym uzroŭni.
— Čym Biełaruś adroźnivajecca ad Rasii?
— My absalutna jeŭrapiejskaja kraina. U kožnym horadzie stajać ratušy. Mahdeburhskaje prava. U Tule hetaha nikoli nie było, jak i ŭ inšych haradach. Tamu my absalutnaja Jeŭropa, heta navat nie abmiarkoŭvajecca. Samaje cikavaje, što ŭ niekatorych hatelach u Rasii, zdajecca, heta było ŭ Sočy, maładaja dziaŭčyna biare pašpart i pytajecca: «A dzie vaša viza?» Dla moładzi da 25 hod što Finlandyja, što Biełaruś, što Hrecyja. Jany nie viedajuć, što nam nie treba viza, jany nie viedajuć, što ŭ nas bolšaść ludziej razmaŭlaje pa-rusku. Im heta pa-barabanu. Dla ich Biełaruś — heta absalutna inšaja kraina, jeŭrapiejskaja. Kali kahości ŭ hości zaprašaŭ, čuŭ: «Dyk vizu ž treba rabić». Nijakich impierskich ambicyj. Heta natchniaje.
— Heta paŭsiul tak?
— Bolšaść tam užo, dalej, za Branskam. Dla ich Biełaruś — heta mifičny zachodni kraj.
Hladzieć vypusk całkam:
0:35 — pra pieršy kancert u Hrodzienskaj abłasnoj fiłarmonii, kali baćka Piatra Klujeva vyskačyŭ na scenu i vyhuknuŭ u mikrafon: «Heta moj syn!»
2:13 — «Piecia, u ciabie ničoha nie atrymajecca»
3:48 — pra dziaŭčat i pieršaje kachańnie
6:54 — pra šlub, razvod i viartańnie da žonki
11:00 — pra relihijnaść
11:34 — śmierć maci
14:55 — karani
19:29 — pra kartu palaka
22:54 — papularnaść i zornaja chvaroba
25:41 — pra ŁSP i miljonnyja aŭdytoryi
27:36 — pra Rasiju
30:27 — čym Biełaruś adroźnivajecca ad Rasii
31:32 — ci praŭda, što maryŭ zaśpiavać ź Lepsam
37:00 — pra ałkahol
39:30 — samy trešovy kancert
41:16 — pra viernaść
42:25 — kolki zarablaje
44:02 — kaštoŭnaści ŁSP
44:31 — čamu biełaruski muzyki stanoviacca zapatrabavanymi ŭ Biełarusi tolki paśla taho, jak zdabyvajuć papularnaść za miažoj
47:48 — Post Scriptum
Hladzicie taksama: