U Haradockim rajonie dajarka vyliła viadro z kipieniem na 25-hadovuju maładziejšuju supiernicu
Incydent adbyŭsia jašče 12 śniežnia la pamiaškańnia łabaratoryi małočna-tavarnaj fiermy, paviedamlaje abłasnaja milicyja.
31-hadovaja dziaŭčyna ŭbačyła piaščotnyja stasunki svajho kachanaha i maładziejšaj dajarki. U paryvie reŭnaści jana schapiła viadro z kipieniem i pajšła da parački. Pryčym mužčyna nie bačyŭ jaje nabližeńnia i adyšoŭ, a na supiernicu vylili vadu.Heta byŭ kipień: viadro z haračaj vadoj dla myćcia ahrehataŭ pakinuła astyvać inšaja dajarka.
Dziaŭčyna atrymała surjoznyja apioki plačej i ruk, i pa patrabavańni maci źviarnułasia da daktaroŭ i była špitalizavanaja. Na balničnym jana praviała bolš za miesiac.
Infarmacyja pra traŭmy pacyjentki z balnicy była pieradadziena ŭ milicyju. Ciapier za nienaŭmysnaje pryčynieńnie mienš ciažkich cialesnych paškodžańniaŭ u dačynieńni da 31-hadovaj viaskoŭki zaviedziena kryminalnaja sprava (art. 155 KK).
