U Biełaviežskaj puščy ŭstryvožanyja ciopłaj zimoj: čakajuć usychańnia dreŭ i našeścia karajedaŭ
Plusavaja siaredniasutačnaja tempieratura na poŭdni Biełarusi ŭ zimovyja miesiacy niepasredna ŭpłyvaje na žyćcio lesu i ŭ pryvatnaści Biełaviežskaj puščy, tłumačać navukoŭcy. Akramia plusaŭ dla žyviolnaha śvietu jość i minusy dla raślinnaha: nielha vyklučać zamarazki rańniaj viasnoj, kali drevy vyjduć sa stanu spakoju i pačniecca ruch soku, što moža pryvieści da ich usychańnia, niepakojacca ŭ zapaviedniku.
Nadvorje, akramia ŭskosnaha ŭpłyvu — praz stan nasadžeńniaŭ, akazvaje na stvałavych škodnikaŭ pramoje ŭździejańnie, vyznačajučy terminy leta, adkładku jajek, chutkaść raźvićcia ličynak. Na zimoŭku častka stvałavyja škodniki sychodzić u podścił, inšyja — zastajucca na stvale pad karoj dreŭ. U zimovy pieryjad častka škodnikaŭ vymiarzaje, što pamianšaje šancy ŭźniknieńnia ŭspyšak masavaha razmnažeńnia.
Tamu praz vysokija tempieratury jak dla zimy ŭ Biełaviežskaj puščy z tryvohaj prahnazujuć mahčymaje razmnažeńnie karajeda-typohrafa i viaršynnaha karajeda.
