Devid Linč niečakana dla ŭsich vypuściŭ film. U jaho vielmi niečakany siužet i hieroj
Režysior Devid Linč niečakana dla ŭsich vypuściŭ karotkamietražny film «Što zrabiŭ Džek?» (What did Jack do?), u jakim vykanaŭ adnu z hałoŭnych rolaŭ. Stužka bieź nijakich anonsaŭ i rekłamy źjaviłasia na servisie Netflix.
U 17-chvilinnaj čorna-biełaj karcinie Linč hraje detektyva, jaki dapytvaje małpu. Mała taho, što małpa razmaŭlaje, dyk jašče i padazrajecca ŭ zabojstvie. Film «Što zrabiŭ Džek?» byŭ źniaty Linčam u 2016 hodzie pry padtrymcy paryžskaha Fondu sučasnaha mastactva Karćje i demanstravaŭsia na niekalkich festyvalach, adnak šyrokaj publicy pradstaŭleny ŭpieršyniu. Režysior taksama vystupiŭ aŭtaram scenaryja stužki.
Devid Linč źniaŭ takija filmy, jak «Čałaviek-słon», «Sini aksamit» i «Małchołand Drajv», a taksama kultavy sieryjał «Tvin Piks». 20 studzienia režysioru spoŭniłasia 74 hady.
