Iran paćvierdziŭ, što ŭkrainski «Boinh» byŭ źbity dźviuma rakietami ZRK «Tor-M1»
Arhanizacyja hramadzianskaj avijacyi Irana vypuściła druhuju papiaredniuju spravazdaču ab avijakatastrofie samalota «Mižnarodnych avijalinij Ukrainy» pad Tehieranam.
Jak paviedamlaje Bloomberg, u spravazdačy skazana, što «Boinh» paciarpieŭ krušeńnie paśla taho, jak u jaho patrapili dźvie rakiety małoj dalokaści kłasa «ziamla-pavietra», vypuščanyja ź zienitnaha rakietnaha kompleksu «Tor-M1».
U spravazdačy havorycca, što pasažyrski samalot vylecieŭ u 06:12 ranicy pa miascovym časie i straciŭ suviaź z dyśpietčarami na vyšyni 8100 futaŭ (2469 mietraŭ). U 06:15 «Boinh» źnik z druhasnaha radara nazirańnia, u 06:18 — z asnoŭnaha.
Samalot ŭpieršyniu začapiŭ ziamlu ŭ hramadskim parku. Zatym łajnier razvaliŭsia na častki, ruchajučysia praz futbolnaje pole, bližejšyja sielskahaspadarčyja ŭčastki i sady.
