Sudy nad Statkievičam i Siŭčykam adkłali, bo padsudnyja nie pryjšli
Fota Nadziei Bužan
20 studzienia sudy Partyzanskaha i Leninskaha rajonaŭ Minska razhladali spravy lidara ruchu salidarnaści «Razam» Viačasłava Siŭčyka i lidara «Narodnaj hramady» Mikoły Statkieviča, piša Radyjo Svaboda.
U abodvuch sudach razhladali abvinavačańnie za «parušeńnie paradku praviadzieńnia masavaha mierapryjemstva» 8 śniežnia i 20 śniežnia, u abodvuch abviaścili pierapynak.
Abodva palityki nie pryjšli na pracesy. Jak piša «Pravavaja inicyjatyva», u spravie Statkieviča sudździa Alaksiej Kiślak abviaściŭ pierapynak «dla vyśviatleńnia, dzie Statkievič» da 10.00 27 studzienia. U spravie Siŭčyka ŭ suviazi ź niajaŭkaj padsudnaha abviaścili pierapynak da 11.00 27 studzienia.
Siŭčyka źbiralisia sudzić za akcyju suprać pahłybleńnia intehracyi Biełarusi i Rasiei 8 śniežnia, śviedki-amapaŭcy kazali, što bačyli tam palityka, što jon «vykrykvaŭ łozunhi».
Statkieviča ciapier sudzili za mitynh 20 śniežnia (pavodle «Pravavoj inicyjatyvy», za ŭdzieł, ale pavodle «Viasny» — za zaklik na akcyju), dzie jon «vykrykvaŭ «Žyvie Biełaruś», jak śćviardžali śviedki-milicyjanty.
