U Paŭdniovaj Karei vyjavili pieršy vypadak zachvorvańnia na novy karonavirus
U Paŭdniovaj Karei zajavili pra pieršaha zachvarełaha na novy vid karonavirusu, što raniej byŭ vyjaŭleny ŭ Kitai. Pra heta paviedamlaje miascovaje ahienctva Yonhap.
Pavodle Karejskaha centra pa kantroli i prafiłaktycy zachvorvańniaŭ, zachvarełaja žančyna źjaŭlajecca hramadziankaj Kitaja. Jana prybyła ŭ mižnarodny aeraport Inčchon u Sieule z zaŭvažnymi prykmietami lichamanki. Paśla testaŭ u jaje byŭ dyjahnastavany novy typ karonavirusu, anałahičny tamu, što raspaŭsiudžvajecca ŭ Kitai sa śniežnia.
Ahienctva ŭdakładniaje, što žančyna raniej naviedvała horad Uchań ŭ kitajskaj pravincyi Chubej, dzie znachodzicca ačah zachvorvańnia. Pacyjentka atrymlivaje miedycynskuju dapamohu ŭ miascovaj balnicy.
Pa dadzienych karejskaha epidemijałahičnaha centra, niahledziačy na zajavy Piekina pra toje, što štam novaha virusa nie pieradajecca ad čałavieka da čałavieka, Suśvietnaja arhanizacyja achovy zdaroŭja nie vyklučaje taki sposab pieradačy pry peŭnych umovach.
Ad virusu ŭžo pamierli try čałavieki.
