Jeŭrakamisija: niedapuščalna pierakładać vinu za pačatak Druhoj suśvietnaj na Polšču i Zachad
Jeŭrakamisija admaŭlaje sproby skazić historyju Druhoj suśvietnaj vajny i pierakładańnie viny za pačatak kanfliktu na Polšču i Zachad. Pra heta zajaviła namieśnica staršyni kamisii Viera Jourava padčas dyskusii, jakuju tranślavali na sajcie Jeŭraparłamienta, piša rbc.ru.
«Jeŭrakamisija nie budzie mirycca z takimi napadami i demanstruje salidarnaść z Polščaj», — skazała jana.
Lidar Jeŭrapiejskaj narodnaj partyi Manfred Viebier taksama zajaviŭ ab niedapuščalnaści sprobaŭ apraŭdać pakt Mołatava — Rybientropa 1939 hoda. Tak jon adkazaŭ na krytyku prezidentam Rasii Uładzimiram Pucinym rezalucyi Jeŭraparłamienta, prymierkavanaj da 80-hodździa pačatku vajny. U dakumiencie havorycca, što kanflikt pačaŭsia z-za pakta ab nienapadzie i jaho sakretnych pratakołaŭ, jakija padzialili Jeŭropu na dźvie śfiery ŭpłyvu.
U śniežni Pucin zajaŭlaŭ, što vajnu spravakavała Miunchienskaja zmova 1938 h. pamiž Hiermanijaj, Francyjaj, Vialikabrytanijaj i Italijaj. Pahadnieńnie mieła na ŭvazie pieradaču Hiermanii čechasłavackaj Sudeckaj vobłaści.