Kiraŭnik «Transnafty» nie vieryć u spynieńnie tranzitu nafty praź Biełaruś
Rasija vałodaje mahčymaściami pieraraźmierkavać tranzitnyja patoki nafty, jakija iduć u Jeŭropu praź Biełaruś, ale spynieńnie tranzitu vyklučana. Pra heta žurnalistam skazaŭ kiraŭnik «Transnafty» Mikałaj Tokaraŭ, piša TASS
«U nas mahčymaści dla hetaha ŭsio jość, ale my nie ličym, što takaja pierśpiektyva (spynieńnie tranzitu) maje być. My jaje vyklučajem, takuju pierśpiektyvu, ale mahčymaści takija ŭ nas jość, marskija pieraraźmierkavańni i inšyja varyjanty», — skazaŭ jon, adkazvajučy na pytańnie, ci zmoža Rasija pieraraźmierkavać abjomy nafty, jakija iduć praź Biełaruś, kali kraina spynić tranzit.
Siońnia paviedamlałasia, što kampanija «Homieltransnafta Družba» prystupiła da ramontnych rabot na adnym z učastkaŭ naftapravoda «Družba». U kampanii rastłumačyli, što u 2019 hodzie było abśledavana 1300 km biełaruskaj «truby». Mižnarodnaja kampanija «Bejkier Chjuz Technałohii i Trubapravodny servis» padała spravazdaču z rekamiendacyjami pa ramoncie defiektaŭ. U vyniku biełaruski apieratar płanuje štomiesiac pravodzić ramonty, pryčym «ažyćciaŭleńnie rabot spałučana sa źnižeńniem cisku ŭ trubapravodzie i častkovym spynieńniem pierapampoŭki nafty»
