U Rasii anamalna ciopłaje nadvorje patłumačyli klimatyčnaj zbrojaj ZŠA
Anamalna ciopłaje nadvorje ŭ Rasii mahło być vyklikana ŭžyvańniem klimatyčnaj zbroi ZŠA, ličyć deputat rasijskaj Dziaržaŭnaj dumy Alaksiej Žuraŭloŭ. Pra toje, što jon «nie vyklučaje» takoj pryčyny klimatyčnych asablivaściaŭ biahučaj zimy, jon zajaviŭ u intervju radyjostancyi Hovorit Moskva.
«Ja ŭpeŭnieny, što heta nievypadkovyja klimatyčnyja źmieny», — skazaŭ deputat. Pavodle jaho słoŭ, ZŠA vypraboŭvali «klimatyčnuju zbroju» jašče ŭ časy vajny ŭ Vjetnamie.
Na dumku Žuraŭlova, vyprabavańni takoha rodu ŭzbrajeńniaŭ amierykancy pravodziać pad vyhladam daśledavańniaŭ. Atrymanyja vyniki jany zatym vykarystoŭvajuć suprać usiaho śvietu, bo ŭžyć ich tolki suprać Rasii nielha.
«Ale my praz heta paciarpim bolš za ŭsich», — ličyć rasijski parłamientaryj.
