U Maskvie achova pierabłytała biełaruskaha śpievaka z pjanym fanatam i sprabavała vyvieści sa sceny
Biełaruski post-pank-hurt «Pietla pristrastija» ŭ niadzielu, 12 studzienia, vystupaŭ u maskoŭskim kłubie «Hłavkłab». Tam i zdaryŭsia kazus z achovaj: jana pierabłytała salista Illu Čarapko-Samachvałava z fanatam i sprabavała vypravadzić jaho sa sceny.
Salist Illa Čarapko-Samachvałaŭ. Fota ź listapadaŭskaha kancerta.
«Na scenu zabraŭsia chłopiec i skoknuŭ u zału, achova ŭ ciemry nie razabrałasia i padumała, što jon zastaŭsia tancavać, a pasprabavała vyvieści sa sceny samoha salista hurta Illu. Ale situacyju vielmi chutka vyrašyli», — raskazali «Našaj Nivie» sami muzyki. Uśmichajucca, što takoje na ich vystupleńni zdaryłasia ŭpieršyniu.
Prychilniki hurta ciapier žartujuć u sacyjalnych sietkach: vakalist tak enierhična tančyć, što nie dziva, što achova jaho pierabłytała z pjanym fanatam.
