U Minsku bankamat zažavaŭ 950 rubloŭ, i klijent zrabiŭ nietryvijalna
MUS
Pra vypadak, što zdaryŭsia ŭ pačatku minułaha miesiaca, piša pres-słužba MUS.
U milicyju źviarnułasia žycharka stalicy. Jana raspaviała, što ŭ adnym z adździaleńniaŭ banka ź joj adbyŭsia vypadak — bankamat zažavaŭ 950 rubloŭ, jakija jana chacieła pakłaści na rachunak.
Žančyna źviarnułasia pa dapamohu da supracoŭnikaŭ banka, adnak joj prapanavali pryjści praź niekalki dzion. Praź niekalki dzion zajaŭnica znoŭ źviarnułasia ŭ bank, adnak daviedałasia, što suma, jakuju jana kłała na rachunak, u bank nie pastupiła. Minčancy było rekamiendavana źviarnucca da pravaachoŭnikaŭ.
Milicyja chutka znajšła złamyśnika. Hrošy prysvoiŭ 51-hadovy minčuk, jaki taksama karystaŭsia tym bankamatam.
Padyšoŭšy da aparata paśla žančyny, jon zaŭvažyŭ, što ŭnutry pryłady dla pryjomu banknot znachodziacca kupiury, nie pryniatyja mašynaj. Spačatku mužčyna pasprabavaŭ vyniać hrošy rukami, adnak, kali hetaha jamu nie ŭdałosia, adklučyŭ bankamat ad elektrasietki. Aparat vydaŭ hrošy nazad. Mužčyna zabraŭ kupiury i syšoŭ.
