Pradprymalnaja žycharka Hłybokaha 6 hadoŭ atrymlivała dapamohu z-za śmierci muža, a toj byŭ žyvy
Historyja pačałasia jašče ŭ 2005 hodzie. Tady žycharka Hłybokaha 1979 hoda naradžeńnia, što mieła na rukach dvuch małych dziaciej, źviarnułasia ŭ sud z zajavaj ab źniknieńni muža. Praź niekatory čas sud pryznaŭ muža bieź viestak źnikłym i pryznačyŭ vypłatu dapamohi pa stracie karmiciela. Adnak u vypadku vyjaŭleńnia sužyciela jana abaviazana była paviedamić pra heta ŭ adpaviednyja orhany, paviedamlaje abłasnaja milicyja.
Praz vosiem hadoŭ muž viarnuŭsia ŭ Hłybokaje i navat dvojčy ŭbačyŭsia z pakinutaj siamjoj. Usie hetyja hady jon znachodziŭsia ŭ Rasii, dzie paśpieŭ abzavieścisia sužycielkaj i navat dziećmi. Da jaje jon i adpraviŭsia paśla karotkaj sustrečy. Hłybačanka, jakaja nie viedała, jak spahnać alimienty, nie stała apaviaščać pravaachoŭnikaŭ i orhany sacyjalnaj abarony pra jaho niečakanaje «ŭvaskrašeńnie» i praciahnuła atrymlivać vypłaty.
Spakojnaje žyćcio ruchnuła praz šeść hadoŭ. Paśla taho, jak supracoŭniki hrupy pa baraćbie z ekanamičnymi złačynstvami Hłybockaha RAUS sumiesna z kalehami z padraździaleńnia pa hramadzianstvie i mihracyi vyjavili, što muž naviedvaŭ jaje i dziaciej u 2013 hodzie. Ciapier žančynie pahražaje kryminalnaja adkaznaść za niezakonnaje atrymańnie 23 tysiač rubloŭ dapamohi, naličanaj za hetyja šeść hadoŭ. Zaviedziena kryminalnaja sprava.